Genius Shooter: Monster Killer Review

Ang mga hero ang talagang kailangan ng mundo ngayon. Dapat mong subukan at pigilan ang mga zombie na masakop ang mundo. Sila ay makikita sa bawat bahagi ng lungsod, gumagala at nagtatago upang salakayin at lamunin ang iyong mga utak. Iyon ang dahilan kung bakit dapat mong tipunin ang lahat ng iyong katapangan at labanan ang mga ito upang mapangalagaan ang planetang Earth. Dalhin ang iyong armas, magsuot ng pinakamalakas na kagamitan, palakasin ang iyong mga kasanayan, at maghanda upang hamunin ang pinakahuling boss. Ang panghuling makakalaban mo ay hindi magiging kasing dali katulad ng kanyang mga kampon, kaya maging handa at manatiling buhay!

Ano ang layunin ng laro?

Ang full-screen na labanan kontra sa mga zombie ay tiyak na magpapahanga sa iyo. Excited ka na ba? Kung gayon, upang makakuha ng mga espesyal na premyo, sikaping kumpletuhin ang pangunahing layunin ng laro. Ang iyong pangunahing layunin ay kumpletuhin ang bawat chapter, na naglalaman ng maraming stages. Ang mga stage ay ang mga checkpoint ng laro, at ang bawat stage ay magkakaroon ng iba’t ibang grupo ng mga kaaway. Dapat mo ring piliin kung aling mga talento ang gusto mo, kaya dapat mong pag-isipang mabuti at pag-aralan kung alin ang magdadala sa iyo sa tagumpay. Interesado ka na ba? Kung oo ay i-download na agad ang laro upang masimulan na nating ang pakikipaglaban!

Paano ito laruin?

Ang gameplay mechanics ng larong ito at sobrang intuitive na mga kontrol na nakakumbinsi sa amin nag subukan ito. Pahintulutan kaming magbigay sa iyo ng mabilis na pangkalahatang ideya ng laro upang matulungan kang magpasya kung gusto mo ba itong subukan o hindi. Ang tunay na hamon dito ay kumpletuhin ang bawat chapter na may maraming stages. Magkakaroon ng ilang grupo ng mga kaaway o halimaw, tulad ng mga zombie sa bawat stage at dapat mong matalo ang panghuling boss sa huling stage. Malaya kang pumili ng iyong mga talento. Maaari mong piliin kung palalakasin ang iyong kritikal na pinsala, pagbutihin ang iyong kakayahang umiwas sa mga pag-atake, pagalingin ang iyong sarili, magkaroon ng karagdagang buhay, at iba pa.

Ang daloy ng laro ay magdedepende sa kung paano ka gumawa ng diskarte. Maaari mong i-upgrade ang mga kakayahan at kagamitan ng iyong mga hero upang makayanan ang mas maraming pinsala at pagbutihin ang kanilang mga lakas, at i-customize ang kanilang mga damit mula ulo hanggang paa. Kita mo? Maraming posibilidad para sa kung ano ang maaari mong gawin dito. Dagdag pa, habang ikaw ay nasa labanan, makakakita ka ng mga hadlang. Maaari kang magtago sa likod nito upang maiwasang matamaan ng mga kalaban. Ang mga pag-atake ay hindi tatagos sa mga hadlang o barrier. Bibigyan ka ng virtual joystick. I-swipe mo lang ang iyong hinlalaki upang ilipat ang iyong karakter sa anumang direksyon nag gusto mo. Iyon lang ang kailangan mong malaman, at ngayon sa tingin namin ay handa ka nang lumaban!

Paano i-download ang laro?

Ang mga kinakailangan para matagumpay na ma-download ang Genius Shooter: Monster Killer sa Android devices ay dapat Android 5.0 o mas mataas pang bersyon ang gamit. Para sa iOS users naman, makukuha ito gamit ang iPhone 6s o mas mataas na iOS sa 9.0. Maaari mo na itong subukang laruin ngayon!

Maaari ring i-click ang mga link sa ibaba upang mag-download:

Download Genius Shooter: Monster Killer on Android https://play.google.com/store/apps/details?id=com.sagi.barrett

Download Genius Shooter: Monster Killer on iOS https://apps.apple.com/us/app/genius-shooter-monster-killer/id1484026163

Download Genius Shooter: Monster Killer on PC https://www.gameloop.com/game/casual/com.sagi.barrett

Hakbang sa Paggawa ng Account sa Genius Shooter: Monster Killer

1. Hanapin ang anumang app store na makikita sa inyong mga device.
2. Hanapin ang bersyon ng larong Genius Shooter: Monster Killer, pagkatapos ay i-download at i-install ito.
3. Buksan ang app at i-connect ito sa iyong Google Play account.
4. Ang data ng laro ay maiingatan o masi-save kung ili-link mo ito sa isang account.
5. Maaari mo na ngayong umpisahan ang paglalaro ng Genius Shooter: Monster Killer!

Tips at Tricks sa Paglalaro ng Genius Shooter: Monster Killer

Mahusay! Ang lahat ay nasasabik na umusad sa laro. Huwag mag-alala, ang Laro Reviews ay magbibigay sa iyo ng magagandang tips upang matulungan kang talunin ang mga halimaw at huling boss. Kaya, magsimula na tayo!

1. I-upgrade ang parehong mga katangian ng iyong mga hero at kagamitan. Ito ay isa sa mga pangunahing diskarteng maaari mong ilapat dito upang umabante sa laro.

1. Gamitin ang paraan ng pag-atake at pagtatago. Tulad ng nabanggit namin sa itaas, gamitin ang mga hadlang sa iyong kalamangan. Ang mga atake ay hindi tumatagos sa mga hadlang. Kaya maaari mong gawin ang pamamaraang ito.

1. Piliin ang mga tamang talento batay sa iyong sitwasyon. Kung mayroon ka pang sapat na buhay upang harapin ang huling boss, maaari mong piliin ang iba pang mga kakayahan sa pagpapahusay, tulad ng pagtaas ng iyong kritikal na pinsala. Ilalagay ka nito sa isang magandang katayuan laban sa boss.

1. Maging magalaw. Dapat kang maglakad nang pa-zig-zag dahil magiging madaling target ka kung diretso kang maglakad.

Pros at Cons ng Genius Shooter: Monster Killer

Ang laro ay nilalaro sa portrait style, na may tuluy-tuloy na full-screen battle barrage na magdadala sa iyo sa matinding sagupaan laban sa mga halimaw gaya ng mga zombie at final boss. Ang performance ng laro ay katanggap-tanggap. Ito ay talagang gumagana nang maayos, ngunit may ilang mga bug at error, na kahit papaano ay kaya namang mapagtiisan. Ang gameplay mechanics ay simpleng maunawaan. Sa katunayan, dadalhin ka nito mismo sa labanan at magagawa mong malaman ang mga feature nito sa loob lamang ng ilang oras na paglalaro.

Mayroon lamang isang kontrol, isang virtual joystick na kumokontrol sa paggalaw at direksyon ng iyong karakter. Palipat-lipat ka lang sa paligid, at kusa itong titira at magpapaputok sa mga kaaway mula sa iyong direksyon. Mukhang ang kailangan mo lang gawin ay i-swipe ang iyong hinlalaki at ang iba ay kusang gagalaw para sa iyo. Ito ay uri ng idle para sa amin, ngunit ito ay sobrang nakakaaliw pa rin. Bibigyan ka ng iba’t ibang mga karakter at kagamitan, ang ilan sa mga ito ay may kamahalan, kaya kung gusto mong pagbutihin ang iyong gameplay, siguraduhing handa kang mamuhunan dito.

Dahil ang laro ay nagtatampok ng iba’t ibang mga mapa, dadalhin ka sa iba’t ibang mga lokasyon ng labanan na talagang kapanapanabik. Lahat, kabilang ang visual style at sound effects, ay nagbabalanse sa pangkalahatang kapaligiran o konsepto ng laro. Maliliit ang mga karakter at gayundin ang mga kalaban, at humanga kami na maaari mong hulaan kung saan magmumula ang mga pag-atake ng mga kalaban para maiwasan mo sila. Ang proseso ng customization ay sobrang simple: i-tap at hawakan lamang ito at iyon na! Maaari mong tiyak na matutunan ang lahat sa isang pagsubok. Kung naghahanap ka ng nakakatuwang shooting game, inirerekomenda ng Laro Reviews ang isang ito. Maaari rin itong laruin nang offline at may kasamang iba’t ibang mga mode upang subukan.

Konklusyon

Sa pangkalahatan, mayroon pa ring potensyal para sa pagpapabuti sa laro. Ang mga bug at error ay dapat na maitama sa lalong madaling panahon upang ang lahat ay masiyahan habang naglalaro. Ang laro ay nakakaaliw at isang mahusay na time-killer. I-swipe mo lamang ang iyong hinlalaki, at maayos nang gagalaw ang karakter. Ang layunin at lahat ng nasa loob nito ay napakasimple.