Money Honey! Review

Money Honey! ay isang libreng strategic casual game na nilikha ng Rollic Games. Ang Rollic Games ay ang master sa paglikha ng maraming masasayang strategic na laro tulad ng Text or Die, They are coming, The Hair Challenge at Hand Strike.

Ang Money Honey! ay isang gold digger na naghahanap ng tamang lalaki para ibigay ang lahat ng kanyang pangangailangan at maging sobrang mayaman.

Dapat piliin ng manlalaro ang tamang lalaki na may tamang trabaho na may mataas na sweldo upang maging sobrang mayaman ang malungkot na babae sa pamamagitan ng pagbibigay ng mga bag, pagbabayad ng kanyang mga buwis at ang maging siyang isang sosyalista at elite sa harap ng kanyang mga kaibigan.

Ang laro ay may customization kung saan pwede kang pumili ng skins ng iyong karakter, pag-unlock ng bagong sugar daddy at isang alagang hayop.

Ano ang mga Layunin ng Laro?

Tutulungan ka ng Laro Reviews na alamin ang mga mahahalagang bagay tungkol sa laro at may mga karagdagang tips ka pang matututunan. Bilang isang gold digger, ang iyong layunin ay piliin ang tamang lalaki na iyong pinapangarap na may malaking sweldo upang ibigay sa iyo ang iyong mga materyalistikong pangarap at pangangailangan.

Ang iyong layunin ay mangolekta at magsuot ng mga designer bag at damit na may mataas na presyo at ang iyong lalaki ay dapat na makabayad ng iyong mga buwis.

I-unlock ang mga bagong sugar daddy sa bawat nakumpletong antas at maabot ang iyong pinaka layunin ang paglangoy sa pool na puno ng pera kasama ang iyong mga kaibigan.

Paano Simulan ang Paglalaro ng Laro?

Gagampanan mo ang babaeng napakalungkot at mukhang walang tirahan. Sa una, maruruming damit ang suot mo na walang pera, walang tsinelas at wala man lang kahit ano.

Ang gameboard ay may track kung saan kakailanganin mong mag-swipe pakaliwa at pakanan para piliin kung aling lalaki o damit ang pipiliin at isusuot mo.

Ang unang desisyon na kailangan mong gawin pagkatapos simulan ang laro ay ang piliin kung sinong lalaki ang gusto mong makasama, ito ba ay isang lalaking may trabaho bilang isang cashier, isang lalaking may trabaho bilang isang payaso o kung ikaw ay masuwerte, pipili ka sa pagitan ng Pilot o Astronaut na talagang may kapanapanabik na mataas na sweldo sa trabaho.

Kapag napili mo na ang iyong sugar daddy, lalakad ka na ngayon sa mga damit at bag. Ang iyong lalaki ay hawak hawak ang kanyang pera at bibilhin ang mga pinili mo.Gayunpaman, makakakuha ka lamang ng mga damit o bag na tumutugma sa badyet ng iyong napiling lalaki.

Patuloy kang pipili ng isusuot hanggang sa dulo ng linya. May mga pagkakataong pipili ka ng ibang lalaki sa gitna ng track at iiwan ang lalaki na iyong napili sa simula ng laro.

Sa dulo, bibilangin ang iyong kabuuang kayamanan at aakyat ka sa hagdan ng mga premyo ayon sa dami ng iyong yaman. Tatawagin kang, disente, sugar babe o sobrang mayaman.

Ang premyong barya ay idadagdag sa iyong account kung saan maaari mo itong gamitin upang i-customize ang iyong karakter o upang pumili at bumili ng alagang hayop.

Sa bawat antas na iyong nakumpleto, ang mga puntos ay kokolektahin upang i-unlock ang isang bagong sugar daddy. Kaya’t patuloy na pumili ng tamang tao at mamahaling damit at bag para sa higit pang mga puntos at mas maraming barya na makolekta.

Paano I-download ang Laro?

Ang laro ay madodownload para sa mga mobile phone lamang na may mga operating system ng Android at iOS. Maaari mong i-download ito sa pamamagitan ng Google Play Store para sa mga gumagamit ng Android o Apple store para sa mga gumagamit ng iOS.

Maaari mo ring i-click ang mga link sa ibaba upang i-download ang laro.

Download Money Honey! on Android https://play.google.com/store/apps/details?id=com.muhammedersoy.moneydaddy3d

Download Money Honey! on iOS https://apps.apple.com/US/app/id1589966947?l=en

Mga Hakbang para Gumawa ng Bagong Account sa Laro

Ang laro ay hindi nangangailangan ng anumang mga pag-login o pag-sign-up. Gayunpaman, ito ang mga data na maaaring makolekta sayo habang naglalaro nito.

Ang iyong mga pagbili, Data ng Paggamit, mga identifier, at diagnostic. Ang mga data na ito, lalo na ang mga pagbili ay kinokolekta kung gumawa ka ng anumang mga in-app purchases sa laro.

Money Honey! Tips at Tricks kapag Naglalaro

Ang laro sa una ay medyo nakakalito. Gayunpaman, kapag nasanay ka na dito at sa game board, magagawa mong matagumpay na mag-strategize at piliin ang tamang opsyon para sa iyo. Kung hindi, maaari mong basahin ang aming mga tip at trick upang matulungan ka sa pagsisimula ng laro.

Bilang isang gold digger wala kang ibang layunin kundi yumaman. Para makamit iyon, kakailanganin mong pumili ng tamang tao na may pinakamataas na sweldo ng trabaho para bilhan ka ng mamahaling damit at bag.

Related Posts:

S-Games – 456 Survival Review

Angle‌ ‌Fight‌ ‌3D‌ ‌Review‌ ‌

Ang Level 1 ay hindi magbibigay sayo ng napakaraming opsyon dahil kakailanganin mong magsimula bilang isang mababang antas na gold digger. Wala kang choice kundi pumili sa pagitan ng cashier o clown. Hindi ipapakita ang sweldo ng iyong mga boyfriend kaya wala kang ideya kung magkano ang kanilang sweldo. Kaya kailangan mong magtiwala sa iyong lakas ng loob at maingat na gugulin ang iyong pera pagkatapos piliin kung alin sa dalawa ang dapat mong maging sugar daddy sa sandaling ito.

Ang track ay isang mabilis na daanan kaya kakailanganin mong kumilos nang mabilis hangga’t maaari. Piliin ang tamang damit at bag depende sa budget ng iyong kasintahan. Hindi ka makakapili ng anumang damit o bag kung mas mataas ito kaysa sa budget o pera ng iyong boyfriend.

Kung maiiwasan mong magbayad ng buwis ay gawin mo o kung hindi ay ibabawas ang badyet depende sa porsyento ng buwis.

Kung mas mataas ang iyong ginagastos, mas mataas ang iyong posisyon sa dulo. Kaya mula sa isang malungkot na babae, subukang makamit ang pagiging isang sugar girl at lumangoy sa pool ng pera kasama ang iyong mga kaibigang sosyal.

Money Honey! Mga Kalamangan at Kahinaan ng Laro

Ayon sa pagsusuri ng Laro Reviews, ang Money Honey! ay isang simple at kaswal na laro. Gayunpaman, mas mabuti kung magsisimula sa isang tutorial o isang pagtuturo kung paano ito laruin dahil ito ay talagang nakakalito sa umpisa. Wala kang ideya kung tungkol saan ang laro.

May mga pagkakataon na kapag binuksan mo ang laro, magbibigay ito sa iyo ng error na hindi magamit ang Unity engine na nangangahulugang hindi ito makakonekta sa cross platform game engine pagkatapos ay kailangan mong i-close ang laro at i-open itong muli.

Ang animation ng laro ay medyo simple ngunit maganda. Hindi ito katakot-takot o hindi kanais-nais. Ito ay talagang nakakatawa at cute.

Ang laro ay walang pause. Sa sandaling i-tap mo ito, ito ay magsisimula na. Ang ilang mga manlalaro ay nagrereklamo na ang feature na ito ng laro ay hindi maganda dahil kung minsan ay hindi pa sila handang maglaro ngunit kapag hindi nila sinasadyang na-tap ang screen, magsisimula na ang laro.

Ang pag unlock ng sugar daddy ay nakadepende sa naipon mong puntos sa bawat level. Ngunit hindi ito awtomatikong mau-unlock pipili ka kung kailangan mong mawala ang bagong karakter o manood ng mahabang video ng mga ad para makuha siya. Kung tamad ka, pipiliin mong mawala siya kaysa panoorin ang video.

Ang laro ay may kawili-wiling customization kung saan maaari mong baguhin kung ano ang magiging hitsura ng iyong karakter. Maaari ka ring magampon ng isang alagang hayop. Para sa pag-customize, kakailanganin mong bilhan ang iyong mga character ng bagong skin gamit ang perang nakolekta mo o i-unlock ang mga randomized na skin sa pamamagitan ng panonood ng ad video o makakuha ng isa pang 25,000 sa pamamagitan ng panonood ng video.

Ang mga bagong alagang hayop ay mau-unlock kapag naabot mo na ang specific na level. Bagama’t ito ay hindi para sa mga manlalarong mahilig sa pusa dahil lahat ng alaga dito ay mga aso.

Ang Pagsusuri

Ang laro ay talagang naglalarawan ng tunay na buhay ng pagiging isang gold digger. Ito ay isang mapanghusgang laro ngunit talagang masaya. Isang magandang libangan sa mga gustong maglaro ng libreng kaswal na laro nang hindi nagdudulot sa kanila ng stress o pressure sa paglalaro.

Laro Reviews