Auto Heroes Review

Ang mga character mula sa Idle RPG ay palaging may maliwanag at makulay na character design. Ginawa ng Mobile Legends Adventure ang kanilang mga hero sa isang mas bata at mas friendly na itsura upang maakit ang mga mas batang player. Sa kabilang banda, ang ilang laro tulad ng Mythic Heroes: Idle RPG ay may mas matured na character para sa mas nakatatandang demograpiko. Ngunit ang developer na AXE TECHNOLOGY ay nagdagdag ng bagong twist sa kanilang disenyo mula sa kanilang larong pinangalanang Auto Heroes. Isa itong idle RPG kung saan nilalabanan ng mga character ang kanilang mga kalaban nang mag-isa ngunit may kakaibang art style. Magmumukha silang nanggaling sa isang pelikula ni Tim Burton dahil sa malaki nilang ulo at mata, at may balingkinitang katawan.

Ikaw ang kumander ng laro at ang magpapasya kung sino ang sasabak sa laban. Magkakaroon lamang ng dalawang characters sa simula, ngunit maaari kang mag-recruit ng higit pa sa kanila sa susunod na laro. Palakasin ang iyong koponan sa pamamagitan ng pagle-level up sa kanila at pagpili ng tamang kagamitan. Sa lahat ng mga hero na mayroon ka, kailangan mong simulan ang isang paglalakbay upang mahanap ang pitong altar at sindihan ang mga ito. Talunin ang mga kaaway at ibalik ang kapayapaan sa iyong mundo.

Bago magsimula ang laro, piliin ang hero na gusto mong isabak sa laban. Magkakaroon ng sampung mga tile na nahahati sa dalawang column at limang rows. Ngunit maaari ka lamang mag-deploy ng hanggang anim na heroes. Mag-isa silang lalaban dahil isa itong idle RPG, ngunit kailangan mong gumawa ng strategy sa pamamagitan ng paglalagay ng tamang hero sa tamang posisyon. At kapag handa ka nang simulan ang laban, pindutin ang fight button at panoorin silang umatake sa kanilang mga kaaway. Mapapabilis mo ang laro sa pamamagitan ng pag-click sa icon sa kanang ibaba, ngunit magagamit mo lang ito sa pamamagitan ng pag-clear sa stages 1-15. Gayundin, i-click ang Auto Push button sa ibabang screen upang magpatuloy sa susunod na labanan kapag nanalo ka sa laro.

Features ng Auto Heroes

Mga Hero – Sila ang iyong mga pwedeng laruin na characters sa laro. Sila mismo ang kusang haharap sa kanilang kalaban. Ang Royal, Scavenger, Traveler, Mystic, Blessed, at Cursed ay ang anim na factions na kinabibilangan ng mga Hero. Ang Rare, Elite, at Legendary ay ang tatlong uri ng mga hero.

Campaign – Sundan ang mga hero habang nilalabanan nila ang kanilang mga kalaban. Ang mode na ito ay ang casual na bahagi ng laro kung saan kailangan mong talunin ang boss sa bawat huling yugto.

Headquarters – Maaari kang makakuha ng mga reward sa tuwing mananalo ka sa mode na ito. Maaari mong laruin ang Endless Abyss, Resource Hall, Wish Tree, Warrior’s Arena, Island Defense, Twilight Realm, Adventure Note, at ang Nightmare Bastion dito.

Patrol Box – Ang iyong mga hero ay magpapatrolya sa napiling lugar kung saan makakakuha ka ng mga resource, at ang bilang ng mga gantimpala ay depende sa kung gaano ka katagal naging AFK. Maaari kang makakuha ng mga coin EXP, Arcane Energy, at marami pang iba.

Saan Pwedeng I-download ang Auto Heroes?

Pumunta sa Google Play gamit ang iyong smartphone kung Android user ka o sa App Store kung iOS user ka, at ilagay ang Auto Heroes sa search bar. Dahil libre ang laro, i-click at i-install ito at hintaying mai-download.

Narito ang mga link kung saan mo maaaring ma-download ang laro:

Download Auto Heroes on Android https://play.google.com/store/apps/details?id=com.axe233i.autoheroes.oversea.andriod

Download Auto Heroes on iOS https://apps.apple.com/us/app/auto-heroes/id1532164253

Download Auto Heroes on PC https://www.ldplayer.net/games/auto-heroes-on-pc.html

Kung nais mong laruin ito sa PC, i-download muna ang bLAnk LDPlayer emulator mula sa kanilang https://www.ldplayer.net. Kumpletuhin ang access na kinakailangan sa Google Play at mag-sign in gamit ang iyong account, at pwede mo nang i-download ang laro at maranasan ito sa PC.

Related Posts:

Clash of Kings: The West Review

MARVEL Super War Review

Tips at Tricks sa Paglalaro 

Dahil ang laro ay isang idle RPG, ang iyong strategy ay batay sa build ng iyong mga hero. Kaya sundin ang mga gabay mula sa Laro Reviews upang magapi ang iyong mga kalaban.

Magkakaroon ka ng mas mahihinang heroes sa simula ng laro. Maaari kang magkaroon ng opsyong i-maximize ang mga ito, ngunit hindi sila magiging viable sa mga mas huling level ng laro. Mag-recruit ng marami sa kanila hangga’t maaari at unahin ang mga may mas malalakas na base power. Kapag nakuha mo ang mga tamang bayani. I-invest ang lahat ng iyong mga resource sa kanila sa pamamagitan ng pag-level up sa kanila at pagpapataas ng kanilang mga star.

Ang mga beginner ay may posibilidad na i-maximize ang level ng may mas mababang uri ng equipment. I-upgrade lang ang mas mataas na klase dahil hindi ka laging may sapat na resources para sa lahat ng mga ito. Maaari mong i-click ang Auto Equip para palitan ang lahat ng ito.

Pros at Cons ng Auto Heroes

Isa sa mga pinakamagagandang feature ng Auto Heroes ay ang natatanging disenyo ng mga character nito. Karamihan sa mga idle RPG ay mayroong parehong objectified at medyo sekswal na karakter at ayos lang ito. Ngunit magsasawa kang makita ang parehong disenyo sa paglipas ng panahon. Ang Auto Push ay isa ring magandang feature dahil maaari nitong hayaan kang mag-progress sa laro habang gumagawa ng iba pang mahahalagang bagay. May pagkakataon pa ngang naglalaro ako sa Auto Push habang isinusulat ang artikulong ito, at nakakatuwang malamang nagle-level up ako habang gumagawa ng mas mahahalagang bagay. Ang iba pang mga laro ay may mas common na mga hero kaysa sa mga Legendary type, ngunit hindi sa larong ito. Mayroon silang 25 Legendary heroes at 8 Rare heroes. Madali ring makakuha ng mga Legendary hero sa laro. Nakuha ko sina Okat, Winnie, at Maglov sa aking unang araw ng paglalaro.

Ngunit katulad din ito ng ibang idle RPG kahit na ito ay may ibang disenyo ng mga character. Ang mga faction ay hango sa parehong inspirasyon. Hindi rin ganun karami ang mga aktibong player sa laro. Palaging offline ang listahan ng mga manlalaro kapag naghahanap ako ng kaibigang idadagdag. At pagkatapos i-refresh ito, palagi akong nakakakita ng mga hindi aktibong manlalaro. Naging guild leader lamang ako dahil offline ang mga miyembro ng mahigit isandaang araw.

Konklusyon

Magiging masaya lamang ito para sa mga mahilig maglaro ng mga idle RPG. Inirerekomenda ng Laro Reviews ang larong ito para sa mga abalang taong gustong maglaro ng mga role-playing game ngunit walang sapat na oras para rito. Ang dystopian na disenyo ng mga character ay magiging isang bagong itsura kung nilalaro mo ang parehong genre ng laro. Kaya kung naghahanap ka ng iba at mas dark na uri ng idle RPG, maaari mong i-download ang laro nang libre.

Laro Reviews