Riptide GP: Renegade Review

Riptide GP: Renegade – Subukan ang isang kapana-panabik na hydro jet racing at makipagtunggali sa iba pang mahuhusay na karerista! Magsagawa ng astig at kamangha-manghang water stunts. Dahil isa itong illegal hydro jet racing, may mga pulis na hahabol sa inyo habang nasa racing event. Iwasang mahuli ng mga pulis at makipaghabulan sa modernong waterways ng lungsod! Ilabas ang mga bagong stunt at i-upgrade ang iyong mga modernong sasakyan para sa mas magandang performance nito. Huwag mag-atubiling anyayahan ang iyong mga kaibigan na sumali sa laro. Naglalaman ito ng feature na multiplayer para ma-enjoy ito kasama ang iyong mga kaibigan!

Ano ang layunin ng laro?

Sa larong Riptide GP: Renegade, ang iyong pangunahing layunin ay ang makakuha ng isa hanggang tatlong bituin mula sa bawat track. Kung mas maraming bituin ang iyong makukuha, mas maraming EXP at pera ang matatanggap mo. Kapag nakakuha ka ng hindi bababa sa isang bituin ay maaari mong i-unlock ang susunod na misyon ng campaign mode. Marahil ay hindi kumplikado ang unang pagsubok ngunit sa kalaunan, ito ay magiging mas mahirap habang umuusad ka sa laro. Minsan ay mahirap talunin ang AI na kalaban dahil habang mas umuusad ka sa laro ay nag-a-upgrade o lumalakas din sila.

Paano ito laruin?

Isa itong tipikal na karera kung saan ay makikipagkumpitensya ka sa maraming kalaban habang nakikipagkarera sa iba’t ibang lugar. Ang pinagkaiba ng larong ito ay ang lahat ng karera ay ginaganap sa mga lugar na may tubig o alon at nagbabago ito habang nasa karera ka. Minsan ay may bagyo na sasalubong sa inyo habang kayo ay nasa karera o ‘di kaya’y mga alon na tumataas at nagdudulot na mas ma-challenge ang mga manlalaro sa pagkontrol ng kanilang mga sasakyan. Kaya ang bawat loop ay naglalaman ng iba’t ibang mga bagay, tulad ng mga rampa para makagawa ng stunt. Ang stunts ay matagumpay na isinasagawa sa pamamagitan ng pagkumpleto ng mga kumbinasyon ng iyong control stick kung saan ay nagdaragdag ng extra power sa iyong boost meter. Kapag nagawa mo ito nang tama ay bibigyan ka nito ng special skill na panandaliang bilis na magagamit mo anumang oras .

Ang career mode ay ang importanteng bahagi ng laro. Dito, makikipagkumpitensya ka sa iba’t ibang mga kaganapan tulad ng mga straight race, elimination round, slalom course, at freestyle. Dapat mong matutunan ang iba’t ibang mga diskarte. Kapag dumaan ka sa mga karerang ito, ang perang matatanggap mo ay maaaring gamitin para pagandahin ang iyong mga sasakyan para makasabay ka sa ibang mga nagkakarera.

Maaaring mong i-upgrade ang acceleration, peak speed, stability, at mga skills nito. Kapag dinalasan mo ang paglalaro, makakukuha ka ng mas maganda pang hydro jet na may natatanging potensyal at mas malakas na pagbabago sa makina. Makakukuha ka rin ng mga EXP na magagamit sa mga fixed skills tulad ng mas mabilis na pagsisimula sa karera o mas mataas na kita ng stunt meter. Bukod pa rito ay maaari mo ring i-customize ang kulay, mga decal, at numero ng iyong mga sasakyan.

Paano i-download ang laro?

Ang mga kailangan para matagumpay na mai-download ang Riptide GP: Renegade sa Android devices ay dapat Android 4.1 o mas mataas pang bersyon ang gamit. Para sa iOS users naman, makukuha ito gamit ang iPhone 6s o mas mataas na iOS sa 8.0. Ang makukuhang space ng app para sa Android ay 93 MB at 106.1 MB naman para sa iOS.

• Download Riptide GP: Renegade on Android https://play.google.com/store/apps/details?id=com.vectorunit.silver.googleplay
• Download Riptide GP: Renegade on iOS https://apps.apple.com/us/app/riptide-gp-renegade/id1090577736
• Download Riptide GP: Renegade on PC https://steamunlocked.net/riptide-gp-renegade-free-download/

Hakbang sa Paggawa ng Account sa Riptide GP: Renegade

1. Hanapin ang anumang app store na makikita sa inyong mga device.
2. Hanapin ang bersyon ng larong Riptide GP: Renegade. Pagkatapos ay i-download at i-install ito.
3. Buksan ang app at direktang dadalhin ka nito sa laro. Hindi na kailangang i-link ang laro sa anumang mga account. Sa oras na inalis na ito sa mga device, hindi na mase-save ang progress ng laro.
4. Maaari mo na ngayong umpisahan ang paglalaro ng Riptide GP: Renegade!

Tips at Tricks sa Paglalaro ng Riptide GP: Renegade

Ang skill o stunt ang pinakamahalagang gawain sa larong ito. Kailangan ang madalas na paglalaro para mas mapabilis ang pagtaas ng iyong level. Ang pera na makukuha mo sa laro ay maaaring gamitin para sa pag-upgrade ng iyong sasakyan, speed, stability, at maging ang kakayahan nito na malagpasan ang mga mas mahihirap pa na level. 

Habang ikaw ay nasa ere ay malaya kang makagagawa ng mga pambihirang stunts. Kapag naisagawa mo ito nang maayos ay madaragdagan ang power ng iyong boost meter na magdudulot ng mas mabilis na takbo. Habang tumatagal ka sa laro at umuusad ng level, ang stunts na kailangan mong magawa ay pahirap ng pahirap at mas nagiging delikado. Sa mas mahirap na stunt ay mas malaking boost ang iyong matatanggap. Bukod sa wastong pagmamaneho, mahalagang gamitin din ang mga obstacle, para makabwelo kung gagawa na ng stunts. Dahil ang Riptide GP: Renegade ay nilikha bilang mobile app, ito ay mas mahirap kontrolin dahil maaaring maging factor ang iyong screen o pasmadong kamay para ikaw ay matalo (ito ay depende sa sitwasyon at manlalaro).

Related Posts:

Max Payne Mobile Review

THE KING OF FIGHTERS-A 2012 Review

Pros at Cons sa Paglalaro ng Riptide GP: Renegade

Ang laro ay maraming maiaalok na magagandang karanasan para sa mga manlalaro nito. Ang bawat racing circuit ay may nakamamanghang tanawin. Ang paraan ng paggawa mo ng mga trick dito ay may kahirapan. Magagawa mong subukin ang iyong mga kasanayan sa pagmamaneho sa pamamagitan ng karera ng mga hydro jet sa futuristic waterways ng laro! Maaari kang makakuha ng mga puntos o EXP na maaaring magamit para sa skills gaya ng mas mabilis na pagsisimula ng karera o mas malaking rewards mula sa stunt meter. Bukod pa rito ay maaari mo ring i-personalize ang kulay, decals, at numero ng iyong mga sasakyan.

Ang mga kontrol ay gumagana nang maayos kung kaya’t ang laro ay mabilis na naglo-load at ang refresh rate ay nagpapanatili ng kapana-panabik na karera anuman ang itsura ng mga ito. Bukod dito, ang mga sintetikong ritmo ng soundtrack ay hindi isang bagay na dapat purihin, ngunit sapat na ang mga ito upang pasiglahin ang mga manlalaro. Bagama’t hindi karamihan ang features ng laro, ang iba’t ibang kurso, piloto, motorbike, at iba pa ay sapat na upang panatilihing interesado ang mga manlalaro. Ito ay ginawa bilang mobile gaming app upang mas maraming makapaglaro. Maaari mong dalhin ito saan man at anumang oras mo piliin. Ito ay angkop at ligtas laruin para sa lahat ng edad dahil wala itong mga eksena ng karahasan.

Ang Riptide GP: Ang Renegade ay may career mode na isang magandang karanasan sa karera at may natatanging tampok kung saan ay hinahampas ng alon ang mga nagkakarera. Mayroon lamang itong kaunting glitches at isyu na kailangang ayusin, ngunit kung naghahanap ka ng kakaibang racing game, ito ay isang magandang opsyon.

Konklusyon

Ang larong ito ay mayroong mga feature na aasahan mo mula sa isang race gaming app kabilang na ang career mode na napaka-challenging na laruin dahil sa mga obstacles na nagpapahirap sa mga manlalaro. Mayroon lamang itong kaunting dapat ayusin tulad ng mga bug o glitches para mas mapahusay pa lalo ang karanasan sa laro.

Laro Reviews