Farmship: Tripeaks Solitaire Review

Ang Farmship: Tripeaks Solitaire ay isang offline na larong pinag-isa ang dalawa sa iyong mga paboritong laro – ang larong farm at larong solitaire. May bagong lasa ang larong ito kaya siguraduhing basahin ang artikulong itong ginawa ng Laro Reviews para matuto pa tungkol sa kahanga-hangang larong ito. Ito ay may katulad na gameplay ng iyong paboritong larong solitaire at para sa mga manlalarong hindi alam kung paano laruin ang klasikong tripeak solitaire, narito ang ilan sa mga tampok ng laro.

Ang mga Tampok

Tulad ng karaniwang solitaire, makikita mo ang ilang cards sa itaas na na-deal. Ang iyong hand card at ang deck. Ang buong card ay binubuo ng A, 1, 2, 3, 4, 5, 6, 7, 8, 9, 10, J, Q, at K. Ang layunin ay alisin ang lahat ng card sa itaas sa pamamagitan ng pagtutugma nito sa iyong hand card. Para mabuo ang isang match, dapat kang pumili mula sa mga card sa itaas na may mas mataas o mas mababang numero kaysa sa iyong hand card at anumang pipiliin mo mula sa itaas ang iyong magiging hand card. Mayroong ilang mga pagbabago sa ilang mga level tulad ng mga naka-lock, na ang ibig sabihin ay may isang uri ng card na naka-lock at bago mo magamit ang card na ito, kailangan mo munang tumugma sa isang partikular na card. Ang pangunahing layunin ng larong ito ay itayo ang iyong sakahan sa pamamagitan ng pagbili ng mga item sa sakahan gamit ang mga star na naipon mo sa mga level na iyong napanalunan. Mayroong ding mga power up sa larong ito, ngunit ito ay mahal at nagiging mas mahal sa tuwing gagamitin mo ang mga ito. Gayundin, tandaan na upang makapaglaro sa isang level, kailangan mo munang magbayad o gamitin ang iyong libreng tiket.

Paano i-download ang Farmship: Tripeaks Solitaire

Hindi mo kailangan ng anumang account para makapaglaro nito at libre lang itong laruin. Narito kung paano mo maida-download ang laro. Kung ikaw ay isang Android user pumunta sa iyong Google Play Store at sa App Store naman para sa mga iOS user, pagkatapos ay i-click ang search bar at i-type ang pangalan ng laro, at i-click ang install button. Kung gumagamit ka ng PC, dapat mong i-download at i-install muna ang Bluestacks emulator pagkatapos ay i-download ang larong ito rito at i-install ito. Para sa mas madaling pag-access maaari mo lamang i-click ang mga link sa ibaba.

Download Farmship: Tripeaks Solitaire on Android https://play.google.com/store/apps/details?id=com.magiplay.solitaire.tripeaks.farm.harvest

Download Farmship: Tripeaks Solitaire on iOS https://apps.apple.com/us/app/farmship-solitaire-3d/id1449925874

Download Farmship: Tripeaks Solitaire on PC https://www.bluestacks.com/

Tips at Tricks para sa mga Baguhan

Ang pangunahing layunin ng larong ito ay ang bumuo ng farm at upang magawa ito, dapat kang bumili ng mga farmlands at i-upgrade ang iyong farmhouse sa pamamagitan ng pagkolekta ng mga star reward. Upang mangolekta ng mga star reward, kailangan mong manalo sa mga level ng solitaire. Kung ikaw ay na-stuck sa mga mahihirap na level, ang tips at tricks na itong ginawa ng Laro Reviews ay maaaring makatulong sa iyo.

Siguraduhing alamin ang pattern dahil halos lahat ng mga level ay may tiyak na pattern at kung makikita mo ito, maaari kang manalo nang hindi kumukuha ng card mula sa iyong deck o gumagamit ng perk. Laging magkaroon ng matalas na mata para sa pinakamahabang posibleng streak dahil kung mas mahaba ang iyong mga streak, mas mataas ang mga reward na makukuha mo at maaari kang magkaroon ng libreng perk kapag nakakuha ka ng limang tuluy-tuloy na pagtutugma nang hindi kumukuha ng anumang mga card mula sa deck. Gumamit lamang ng perks kung talagang kailangan mo dahil tulad ng nabanggit ko kanina, ang paggamit ng perks ay napakamahal at maaari kang maubusan ng pondo kung ikaw ay walang ingat sa paggamit ng perks. Kaya siguraduhing tingnang mabuti ang mga card sa itaas bago gumamit ng perk. Subukang i-upgrade ang iyong farmland hangga’t maaari dahil ang iyong farm ay nagbibigay rin ng malaking halaga ng pera sa isang partikular na oras na maaaring makatulong upang hindi maubos ang iyong mga pondo. Magtipid ng pera dahil bago ka makapaglaro sa isang level, kailangan mo munang magbayad para rito at kung wala kang libreng tiket ay hindi ka makakapaglaro ng isang level.

Ang Pros at Cons

Napakaraming aasahan sa larong ito. Una ay ang mapanghamong solitaire na larong natatangi sa bawat level. Gayundin ang farm mode na nakakatuwa rin dahil nakakapagtanim ka ng magagandang pananim tapos ay nakikinabang din sa iyong farm dahil maaari mong anihin ito para kumita ng pera. Ang tampok na ito ay ginagawang mas kawili-wili ang laro dahil nakakatulong ito sa iyo para sa isang napapanatiling mapagkukunan ng pera at ng isang bagay na aalagaan tulad ng isang aktwal na farm. Mayroon din itong magandang gameplay na may halong kahanga-hangang graphic animation na talagang nagbibigay sa iyo ng vibe ng larong klasikal na solitaire at farm game. Ang pinakakagiliw-giliw na bagay na nakapukaw ng aking pansin ay ang murang presyo ng perks. Oo, sinabi ko kanina na ang paggamit ng perks ay mahal, ngunit kumpara sa ibang larong may parehong konsepto, ang larong ito ay may mas murang presyo ng perks at mas madali rin ang pagbubuo ng mahabang streak sa larong ito. Mayroon ding mga item sa larong itong mabibili ng totoong pera. Ang mga item na ito ay maaaring naglalaman ng libreng paggamit ng perks at libreng ticket para makapaglaro ng isang level at malaking halaga ng mga barya, ngunit ang espesyal na item na ito ay walang silbi dahil maaari mong makuha ang lahat ng ito sa pamamagitan lamang ng paglalaro at sinisira nito ang saya kung mayroon kang mga pribilehiyong ito. Sa kanilang latest update, inaayos na nila ang kanilang mga bug at lags kaya nasa maayos na kundisyon ang larong ito.

 

Konklusyon

Sa pangkalahatan, hindi nakakagulat na ang larong ito ay may star rating na 4.3 sa Google Play Store at 4.7 sa App Store. Ang larong ito ay talagang may kawili-wiling gameplay na may halong mga konsepto ng pagsasaka. Ang talagang nagpapatingkad sa larong ito ay ang mas mura nitong paggamit ng perks at isang mahusay na balanseng gameplay. Ang card animation ay nakamamangha rin sa kanyang classic design ngunit nasa 3D graphics. Kaya kung gusto mong makapaglaro ng dalawa sa iyong mga paboritong laro? Subukan na ang Farmship: Tripeaks Solitaire at hamunin ang iyong mga kasanayan sa paglutas ng puzzle.