Kingdom of Heroes – RPG Review

Kung RPG ang pag-uusapan, maaaring pumasok sa isip mo ang tungkol sa mga classic. Isang mandirigma o kabalyero na nagsimula ng isang pakikipagsapalaran at nagre-recruit ng bawat bayaning makilala niya. Nilalabanan ang bawat halimaw na umaatake sa kaniya. Pinapalakas ang kanilang sarili sa pamamagitan ng pag-equip ng mga armor at pag-upgrade ng mga armas. Huwag kalimutan ang walang katapusang paglalakbay sa paglalakad. At para sa final act, makakatagpo nila ang overlord na kailangan nilang talunin upang ibalik ang kapayapaan sa kanilang mundo. Ito ay isang kilalang trope sa genre, lalo na ang bahagi ng paglalakad. Ang Kingdom of Heroes – RPG ay isang turn-based RPG ng NEOWIZ; isang strategy game kung saan ginagamit mo ang mga karakter na may mala-anime na 2D sprite.

Sa artikulong ito, dadalhin ka ng Laro Reviews sa Lorasia. Ito’y isang mahiwagang mundo kung saan naninirahan ang mga demonyo at iba pang mga mythical creature. Nakatago sa kaharian ng Avalon ang Crystal – isang banal na kayamanan na ginagamit nila upang ipatawag ang mga magigiting na bayani. Inakala ng lahat na ang buong mundo ay magiging mapayapa sa wakas dahil nakakulong ang Demon King, hanggang sa lumitaw ang mga masasamang nilalang mula sa Crystal. Nagdulot sila ng kaguluhan sa kaharian na nagpalaganap ng kawalan ng pag-asa sa mundo. Ang kanilang banal na kayamanan ay ang kanilang tanging pag-asa, ngunit ito ay nasira. Ang kaharian ay bumagsak, at ang mga demonyo ay nagkalat upang sirain ang mundo. Ngunit nananatili pa rin ang isang sulyap ng pag-asa dahil kinuha at pinalaki ni Kronos si Prinsipe Arthur, ang huling nakaligtas na tagapagmana. Ang main protagonist, ikaw, ay naging isang mandirigma sa paglipas ng panahon. Ang iyong misyon ay pag-isahin ang mga kaharian upang labanan ang mga masasamang nilalang at ibalik sila sa kanilang pinanggalingan.

Features ng Kingdom of Heroes – RPG 

Turn-based Gameplay – Ang labanan ay magaganap sa isang grid, at ang iyong mga hero ay nakatayo sa isang hexagonal na tile. Hindi tulad sa real-time strategy, kailangan nilang maghintay para sa kanilang turn upang salakayin ang kanilang mga kaaway o baguhin ang kanilang posisyon.

Heroes– Ang mga unit na lalaban sa mga kalaban. Mayroon silang anim na elemento tulad ng Void, Water, Fire, Tree, Light, at Dark. Mayroon din silang iba’t ibang klase tulad ng Guardian, Fighter, Archer, Wizard, at Priest. Ang mga hero na ito ay maaaring i-promote ng hanggang sa 6-tier star upang permanenteng mapahusay ang kanilang mga stat.

World Map – Ang lugar kung saan maaari mong i-explore ang mundo ng Lorasia at bisitahin ang iba’t ibang mga kaharian upang labanan ang mga kaaway. Sa lugar na ito, maari mo ring mahanap ang mga: 

• Tower of Arrogance – Isang tore kung saan ka nakikipaglaban sa mga halimaw, at nagiging mas malakas sila sa bawat palapag.
• Rune Dungeon – Ang lugar kung saan maaari kang mag-grind ng mga rune.
• Alter Realm – Gamitin ang iyong pinakamalakas na mga hero habang nilalabanan nila ang isang napakalaking halimaw na nagmula sa kabilang mundo.
• The Rift – Labanan ang mga kaaway para mag-grind ng mga hero shards.
• Arena – Umakyat sa tuktok habang hinahamon at tinatalo mo ang iba pang mga manlalaro.

Guild – Pinapayagan ka nitong lumikha ng isang komunidad at kumonekta sa iba pang mga manlalaro. Sumali sa mga guild war sa pamamagitan ng pag-atake sa iba pang mga guild at makakuha ng mga reward kung manalo. Ang bawat miyembro ay maaaring labanan ang malalakas na halimaw sa Guild Raid. Magagawa nila ito nang hanggang tatlong beses, at makakatanggap sila ng mga guild point at EXP bilang premyo.

Runes – Ang mga item na nagpapalakas sa mga stat ng iyong mga hero. Mayroong anim na slot, at maaari mong i-activate ang Rune Set Effect kapag nilagyan mo ng dalawa o apat na Rune na may parehong Glyph.

Saan pwedeng i-download ang Kingdom of Heroes – RPG?

Pumunta sa Google Play Store gamit ang iyong smartphone kung Android user ka o sa App Store kung iOS user naman, at ilagay ang Kingdom of Heroes – RPG sa search bar. Dahil libre ang laro, i-click at i-install ito at hintaying mai-download ito.

Narito ang mga link kung saan mo maaaring ma-download ang laro:

Download Kingdom of Heroes – RPG on Android https://play.google.com/store/apps/details?id=com.neowiz.game.koh.global

Download Kingdom of Heroes – RPG on iOS https://apps.apple.com/bw/app/kingdom-of-heroes-tactics-war/id1466037401

Download Kingdom of Heroes – RPG on PC https://www.bluestacks.com/apps/role-playing/kingdom-of-heroes-on-pc.html

Kung nais mong laruin ito sa PC, i-download muna ang BlueStacks emulator mula sa kanilang https://www.bluestacks.com. Kompletuhin ang access na kinakailangan sa Google Play at mag-sign in gamit ang iyong account, at pwede mo nang i-download ang laro at maranasan ito sa PC.

Tips at Tricks sa Paglalaro 

Sundin ang mga tip na ito para mas mabilis na umunlad sa laro.

Mag-grind para sa mga resource.

Ipinakita ng Laro Reviews ang mga lugar na dapat i-grind para sa mga partikular na resource sa World Map sa ilalim ng Features ng Kingdom of Heroes – RPG. Piliin ang iyong pinakamahusay na comp na tatalo sa mga kaaway at magkukumpleto sa mga yugto.

I-activate ang Rune Effect Set.

Ang pag-alis sa mga ito mula sa mga slot ay magkakahalaga ng mga coin, kaya ipunin ang mga Rune bago i-equip ang mga ito. Magsama ng dalawa o apat na magkatulad na mga unit upang i-activate ang mga effect.

Mamuhunan sa mga 5-star na bayani.

Magkakaroon sila ng mas mataas na base stat kaysa sa mas mababang rank, at hindi ka parating magkakaroon ng EXP fairies (mga unit na ginagamit para sa EXP transfer). Kaya mas mabuting unahin ang pagpapalakas sa mga hero na may 5-star o mas mataas. Maaari mo ring gamitin ang mga nasa mas mababang mga ranggo upang i-level up ang mga ito.

Gamitin ang mga strength at weakness.

Tulad ng ibang RPG, ang bawat bayani ay magkakaroon ng mga strength at weakness batay sa kanilang mga element. Ang Fire ay mas malakas kaysa sa Tree, ang Tree ay mas malakas kaysa sa Water, at ang Water ay mas malakas kaysa sa Fire. Mas makapangyarihan ang Light at Dark sa isa’t isa.

Pros at Cons ng Kingdom of Heroes – RPG 

Ang laro ay may compelling screen title dahil sa splash art at epic soundtrack nito. Maaaring hindi ito malaking bagay sa nakararami, ngunit ito ay nagpapa-hype sa mga manlalaro na laruin ito. Ang mga 2D sprite ay may magagandang disenyo rin. Magugustuhan mo ang larong ito kung mahilig ka sa pag-grind ng mga resource dahil marami itong mga mode. Kung naiinip ka sa campaign story, maaari mong labanan ang iba pang mga player sa arena. Tinutulungan ka ng auto-battle na mag-grind nang mas mabilis dahil sasalakay o babaguhin ng mga hero ang kanilang posisyon nang mag-isa. Maaari mo ring itakda ang kanilang istilo ng pag-atake sa pamamagitan ng pagbabago ng mga prayoridad. Kung hindi mo gusto ang auto-attack, maaari mo itong i-off at umatake nang mano-mano.

Walang anumang mga problema na natagpuan sa laro. Ang pagkatalo sa arena at iba pang mga mode ay bahagi ng laro. Ngunit dahil makakakuha ka ng mga bayani sa pamamagitan ng gacha system nito, ibabase mo ito sa iyong suwerte o pera.

Konklusyon

Ang “Kingdom of Heroes – RPG” ay isang disenteng turn-based RPG. Walang gaanong kawili-wili sa kwento dahil mayroon itong mga katulad na plot sa parehong genre. Gayunpaman, nakakatuwang sundan ang pakikipag-ugnayan ng mga karakter sa isa’t isa. Kung mahilig ka sa mga gacha game at pag-grind para sa mga resource, maaari mong i-download ang larong ito nang libre.