Real Racing 3 Review

Naranasan mong habulin ng mga pulis habang nakikipag-drag racing sa mga lansangan sa Need For Speed ​​games. Sa pagkakataong ito ay makikipagkumpitensya ka sa isang Grand Prix Racing sa iba’t ibang bahagi ng mundo sa Real Racing 3. Ito ay isang offline car racing game ng ELECTRONIC ARTS at Firemonkeys na maaari mong laruin sa iyong mobile device. Bilang karagdagan, ito rin ang huling serye ng franchise.

Ginagaya ng laro ang motorsports racing habang sumasali ka sa iba’t ibang event at tournament. Piliin ang iyong pinakamahusay na kotse mula sa higit sa apatnapung manufacturers, at i-upgrade ang mga ito upang maabot ang kanilang pinakamahusay na kondisyon. Kaya mo bang maabot ang tuktok ng leaderboard?

Features ng Real Racing 3 

Round Hub – Ang lugar kung saan maaari mong malaro ang iba’t ibang events sa loob ng limitadong oras. Makakatanggap ka ng rewards sa tuwing mananalo ka rito, tulad ng mga bagong kotse at Victory Points (VP). Sa mode na ito, maaari mong laruin ang:

• Weekly Time Trial Tournament – Ang mga racer ay kailangang kumpletuhin ang isang lap, at ang oras ay itatala sa leaderboard. Kung mas mabilis kang matapos, mas mataas ang iyong magiging puwesto. Bukod dito, magre-refresh ito at magtatampok ng bagong kotse bawat linggo.
• Time Trial Competitions – Ito ay katulad ng Weekly Time Trial Tournament, ngunit hindi ito magtatagal ng isang linggo.
• Limited Time Series – Ito ay isang event na nagtatampok ng iisang kotse na magagamit mo sa karera. Bilang karagdagan, ito ay tatagal lamang ng limitadong oras, tulad ng limang araw.
• Special Events – Sa halip na makipagkumpitensya sa isang karera, kailangan mong gawin ang mga gawain at hamon upang makumpleto ang event.

Daily Race – Ito ay isang motorsports series kung saan maaari kang lumahok sa dalawampu’t pitong events mula sa siyam na partikular na tier. Gayunpaman, maaari lamang itong laruin ng isang beses sa isang araw. Bilang karagdagan, maaari mong malaro ang iba’t ibang events tulad ng Autocross, Head to Head, at Cup sa mode na ito.

Online Multiplayer Tournament – Isang lingguhang paligsahan kung saan maaari kang makipagkumpitensya sa pitong iba pang manlalaro ng real-time.

Saan pwedeng i-download ang Real Racing 3?

Pumunta sa Google Play Store gamit ang iyong smartphone kung Android user ka o sa App Store kung may iOS device. I-type ang Real Racing 3 sa search bar. Dahil libre ang laro, i-click at i-install lamang ito at hintaying matapos ang pagda-download.

Narito ang mga link kung saan mo maaaring ma-download ang laro:

Download Real Racing 3 on Android https://play.google.com/store/apps/details?id=com.ea.games.r3_row

Download Real Racing 3 on iOS https://apps.apple.com/us/app/real-racing-3/id556164008

Download Real Racing 3 on PC https://www.bluestacks.com/apps/racing/real-racing-3-on-pc.html

Kung nais mong laruin ito sa PC, i-download muna ang BlueStacks emulator mula sa kanilang https://www.bluestacks.com. Kumpletuhin ang access na kinakailangan sa Google Play at mag-sign in gamit ang iyong account, at pwede mo nang i-download ang laro at maranasan ito sa PC.

Tips at Tricks sa Paglalaro 

Palagi mo bang nakukuha ang huling pwesto sa karera, o gusto mo bang kumita ng mas maraming gold? Kung gayon, tutulungan ka ng Laro Reviews sa mga ganitong sitwasyon. Gawin lamang ang sumusunod na tips:

Manatili sa kalsada.

Iwasang pumunta sa damuhan o sa labas ng kalsada para maabutan ang ibang mga kalaban. Papabagalin ka lang nito, at makakatanggap ka pa ng penalty kung naglalaro ka sa ilang mode.

Piliin ang naaangkop na kontrol.

Minsan, maaaring hindi mo pa rin makabisado ang default control kahit gaano pa katagal ang iyong pagsasanay. Kung mangyayari ito, pumili ng ibang option na babagay sa iyong istilo. Sa kabilang banda, ang iyong steering sensitivity ay maaaring nasa maximum. Kaya i-adjust ito sa bandang lima upang maiwasang masobrahan sa pag-steer. Bilang karagdagan, maaari mong i-calibrate ang iyong mobile device upang magkaroon ng pinakamainam na resulta kapag ginagalaw mo ito.

Kumpletuhin ang achievements.

Paglampas man sa limang daang kalaban o manalo ng limang karera nang hindi nagagasgas, laging basahin at kumpletuhin ang mga gawain dito para ma-claim ang mga gold.

Mag-overtake sa mga kanto.

Huwag mawalan ng pag-asa kung ikaw ay nasa huling puwesto sa unang lap. Maaabutan mo pa rin ang ibang mga racer kung sisingit ka sa mga likuan hangga’t maaari. Gayunpaman, kailangan mong maging maingat upang hindi matamaan ang mga pader o mga hadlang.

Pros at Cons ng Real Racing 3 

Sa realistic designs ng mga kotse at nakamamanghang visuals, ang Real Racing 3 ay may natatanging graphics. Maaari mong makita ang repleksyon ng iba pang mga bagay sa iyong sasakyan, at nae-emulate ng laro ang tamang physics sa tuwing may mga kotseng nagbabanggaan. Kaya mararamdaman mo talaga na ikaw ay nasa isang Grand Prix racing. Bilang karagdagan, maaari itong makipagsabayan at kahit na makipagkumpitensya sa iba pang mga console game pagdating sa graphics.

Mas magugustuhan mo ang larong ito kung ikaw ay mahilig sa kotse dahil mayroon kang higit na kalayaan sa pag-customize ng mga ito. Maaaring limitado ang mga disenyo, ngunit pwede mong ilagay ang vinyls sa kahit saan mo gusto. Bilang karagdagan, mayroon kang higit pang mga pagpipilian kung paano ilagay ang mga ito.

Maaaring nahihirapan ang ilan na kontrolin ang kanilang sasakyan dahil kailangan mong i-tilt ang iyong phone para iliko ito, ngunit masasanay ka rin dito kapag tumagal. Ito ay isang mas madaling paraan upang maniobrahin ang iyong sasakyan dahil hindi mo na kailangang magpindot ng anumang button. Bukod dito, maaari mong baguhin ang mga uri ng kontrol kung hindi mo pa rin ito matutunan.

Dahil ito ay isang EA game, asahan na ito ay pay-to-win. Maaari kang mag-grind para sa mga kinakailangang materyales, ngunit ang mga manlalaro na naglalaro gamit ang totoong pera ay magkakaroon ng higit pang advantages. Medyo nakakadismaya na matatagalan ka sa pag-enhance ng iyong sasakyan. Halimbawa, kailangan mong maghintay ng humigit-kumulang labinlimang minuto upang i-upgrade ang mga break o gumamit ng gold upang agad itong matapos. Bilang karagdagan, ito ay nagiging mas mahal habang umuusad ka sa laro.

Konklusyon

Maaaring may ilang drawback ang Real Racing 3 dahil pinapaboran nito ang mga pay-to-win na manlalaro, ngunit ito ay isang mahusay na laro. Kung hindi ito nagmumukhang makatotohanang Grand Prix race, iisipin mong isa ito sa mga console game sa unang tingin. Marami itong maiaalok na features dahil sa mga huling update, kaya hindi ka magsasawa sa paglalaro nito. Inirerekomenda ng Laro Reviews ang larong ito kung ayos lang sa iyo ang pagga-grind para sa mga materyales at in-app purchases. Bilang karagdagan, maaari mo itong laruin offline, kaya hindi mo na kailangan ng stable internet connection upang ma-enjoy ito.