CarX Highway Racing Review

Ang CarX Highway Racing ay isang laro ng karerang binuo ng CarX Technologies, LLC na pinagsasama ang mga makatotohanang aksyon at nakakamanghang visuals na makikita sa laro. Dapat kang sumabak sa highway at manalo sa karera. Gamit ang iyong napakagandang kotse, maaari kang maging ang pinakamabilis at maangas na racer sa mundo. Lagpasan mo ang iyong kalaban tulad ng isang rocket ship! Gawin ang iyong sasakyan na pinakamabilis at pinakaastig sa kalsada sa pamamagitan ng pag-upgrade rito. Mangarera sa iba’t ibang highway at laban sa iba pang mabibilis na manlalaro. Bumili ng iba’t ibang kotseng angkop sa iyong istilo. Ang larong ito ay nakakatulong sa iyo upang makamit ang maraming layunin at marami pang mga feature ang naghihintay sa iyo rito.

Ano ang layunin ng laro?

Ang layunin ng CarX Highway Racing ay madali lamang. Makikipagkumpitensya ka para maabot ang unang pwesto sa rankings. Upang manalo, iwasan ang trapiko at magpatakbo nang mabilis sa highway. Talunin ang iba pang mga racer at maging ang pinakamabilis na kotse sa kalsada. I-upgrade at i-customize ang iyong sasakyan gamit ang perang kinita mo mula sa mga nakaraang karera, at bumili ng mga bagong kotseng mag-iiwan ng pangmatagalang impression sa track. Ang larong ito ay maraming maiaalok, at maaari mong tuklasin ang lahat ng ito habang ikaw ay naglilibang. Laruin ito ngayon upang matuklasan ang iba pa nitong features.

Paano ito laruin?

Sa artikulong ito, tuturuan ka ng Laro Reviews tungkol sa mga kontrol, features, at kung paano ganap na laruin ang laro nang maayos. Ang laro at mga kontrol ay simple upang maunawaan. Ito ay ganap na nakasalalay sa iyo kung aling kontrol ang iyong gagamitin. Sa simula ng laro, bibigyan ka ng dalawang pagpipilian. Piliin ang alinman sa dalawa. Pagkatapos, kapag nakapili ka na ng kontrol, i-click lang ang mga arrow para lumipat pakaliwa at pakanan, o i-tilt ang iyong device para lumipat pakaliwa at pakanan. Kapag puno na ang iyong nitro, maaari mo itong i-activate sa pamamagitan ng pagpindot sa nitro o boost button. Bibigyan ka nito ng instant na bilis sa loob ng maikling oras at kailangan mong maghintay hanggang sa mag-recharge ito upang muling mag-activate.

Kapag na-master mo na ang mga kontrol, magpapatuloy naman tayo sa kung paano manalo sa karera. Dapat mong iwasan ang trapiko at magmaneho hangga’t maaari upang maabot ang finish line bago ang iyong kalaban. Kung hindi mo maiiwasan ang trapiko, babagal ka at siguradong makakahabol ang iyong kalaban. Kailangan mo lang lumiko pakaliwa o pakanan upang maiwasan ito. Maaari mo ring gamitin ang iyong pera upang i-upgrade ang iyong mga piyesa ng kotse upang gawing mas mahusay at mas mabilis ang mga ito, gayundin para makabili ng mga bagong de-kalidad na kotse. Ngunit tandaang limitado lamang ang gasolina at enerhiya mo. Gagamit ng gasolina sa bawat karera, na mapipilitan kang maghintay para muling mag-recharge.

Paano i-download ang laro?

Ang mga kinakailangan para matagumpay na mai-download ang CarX Highway Racing sa Android devices ay dapat Android 5.0 o mas mataas pang bersyon ang gamit. Para sa iOS users naman, makukuha ito gamit ang iPhone 6s o mas mataas na iOS sa 11.0. Ang makukuhang space ng app para sa Android ay 68 MB at 1.2 GB naman para sa iOS.

Maaari ring i-click ang mga link sa ibaba upang mag-download:

Download CarX Highway Racing on Android https://play.google.com/store/apps/details?id=com.CarXTech.highWay

Download CarX Highway Racing on iOS https://apps.apple.com/ph/app/carx-highway-racing/id1236730191

Download CarX Highway Racing on PC https://pcmac.download/app/1236730191/carx-highway-racing

Hakbang sa Paggawa ng Account sa CarX Highway Racing

1. Hanapin ang anumang app store na makikita sa inyong mga device.
2. Hanapin ang bersyon ng larong CarX Highway Racing. Pagkatapos ay i-download at i-install ito.
3. Buksan ang app at direktang dadalhin ka nito sa laro. Hindi na kailangang i-link ang laro sa anumang mga account. Sa oras na inalis na ito sa mga device, hindi na masi-save ang progress ng laro.
4. Maaari mo na ngayong umpisahan ang paglalaro ng CarX Highway Racing!

Tips at Tricks sa Paglalaro ng CarX Highway Racing

Minsan, kailangan mo ng tulong sa paglalaro, kung paano ito laruin, at kung ano ang gagawin. Sa artikulong ito, ituturo namin sa iyo ang mga tip at tricks na magagamit mo kapag naglalaro nito. Ang mga diskarteng ito ay makakatulong sa iyong pagbutihin, makakuha ng isang magandang panimula, at sa pangkalahatan ay maging mas mahusay sa laro. Ito ang mga diskarteng maaari mong gamitin bilang isang baguhan. 

1. Kung gusto mong magkaroon ng mas mahusay na pagmamaneho, gagana para sa iyo ang kaliwa at kanang mga kontrol na button kumpara sa tilt control. Makakatulong ito sa iyong makaiwas sa daan nang mas mahusay at maiwasan ang trapiko.
2. Kusang umaandar ang iyong sasakyan, kaya dahan-dahan kapag sinusubukang umikot. Maging maingat upang hindi ka masyadong lumayo sa highway.
3. Napakahalaga ng focus sa larong ito, lalo na kapag maraming traffic.
4. Makakatulong sa iyo ang pagbu-boost, ngunit mag-ingat kapag ginagamit ito. Mabilis kang aandar at kung minsan ay hindi mo makokontrol ang iyong sasakyan.
5. Ang pagse-save ng iyong booster ay makakatulong sa iyong gamitin ito sa hinaharap kapag ikaw ay nangangailangan ng bilis.
6. Panghuli, magsaya. Ang pagkakaroon ng kasiyahan ay makakatulong sa iyong ma-motivate na subukang muli at tapusin ang laro. Maaari ka pang ma-addict sa kasiyahan.

Pros at Cons sa Paglalaro ng CarX Highway Racing

Sa bahaging ito, ang Laro Reviews ay magbibigay ng ilang mga saloobin sa laro pati na rin ang mga personal na karanasan nito. Ito ay ganap na kapanapanabik at marami pang maiaalok na magagandang bagay. Nagtatampok ito ng makatotohanang pagkilos, masusing idinisenyong mga highway at mga kotse, at isang kapanapanabik na karanasan sa karera ng kotse. Ito ay parang isang buong bundle na binubuo ng mga kamangha-manghang feature na matutuklasan. Ang gameplay ay madaling maunawaan. Kabilang dito ang isang nakakamanghang storyline na magpapasaya at magdaragdag ng kaunting pampalasa rito.

Maaari mong i-test drive ang anumang kotseng iyong pipiliin basta nabili mo na ito. Bilang resulta, pupwersahin kang maglaro nang higit pa upang kumita. Hindi tulad sa iba pang mga laro ng karera, hindi ka pinipilit ng mga advertisement na “bilhin ito, bilhin mo yan”. Higit pa rito, ang mga pag-a-upgrade ng kotse ay mura, ngunit kailangan mo pa ring magbabad sa paglalaro upang makumpleto ang isang level. Wala ring flying car stunt, kundi simpleng racing game lamang. Umaasa kaming ang mga developer ay magdagdag pa ng mga variation sa mapa upang gawin itong mas mapanghamon.

Lahat ng tungkol sa laro ay maganda. Ang mga visual, gameplay, at plot ay mahusay lahat. May kulang nga lang. Kailangan nito ng customization. Kailangan nito ng customization tulad sa iba pang racing game. Ang pagtu-tune ay maganda, ngunit hindi mo ba iniisip na ang mga kotse ay maaaring makinabang mula sa pagcu-customize? Nararamdaman naming ito ay makabubuti sa performance ng laro. Bukod doon, wala kaming nakikitang iba pang isyu sa larong ito. Ito ay ganap na nakasalalay sa iyo kung gusto mo o hindi na laruin ito, ngunit ito ay isa sa mga nangungunang mga laro ng karerang maaari naming irekomenda. Wala ring mawawala sa iyo dahil libre itong laruin.

Konklusyon

Ang laro ay napakasaya at may nakakamanghang graphics. Lahat ng tungkol sa laro ay maganda at siguradong mae-enjoy mo ito. Bagama’t mayroong itong ilang mga teknikal na isyu, mae-enjoy mo pa rin ang buong laro.