Let’s Farm Review

Ang Let’s Farm ay isang agricultural simulation game na ginawa ng Playday Games. Ito ay isang free-to-play na laro kung saan dapat kang bumuo at mag-alaga ng sakahan upang ito ay lumawak, lumago, at kumita ng maraming pera. Maaari kang gumawa ng mga bukirin para sa iyong mga pananim gayundin ng mga materyales para sa mga nakakain na pagkain tulad ng tinapay at gatas. Maaari ka ring magtayo ng mga kamalig para sa mga hayop sa bukid na gagamitin sa paggawa ng mga produktong nakakain na ibibigay sa isang paaralan o iba pang pasilidad na nangangailangan ng mga naturang supply. Bumuo, palawakin, at dagdagan ang halaga ng iyong kamalig. Maging pinakamayamang magsasaka sa mundo na may pinakamalaking sakahan! Nasa iyo na ang lahat at mag-uumpisa ka na lang. I-download ang laro nang libre at tuklasin ang mundo ng pagsasaka!

Ano ang layunin ng laro?

Ang pangunahing layunin ng laro ay magsaka at mangolekta ng pera mula sa mga pananim. Pagkatapos ay gamitin ang pera upang palawakin at bumili ng mas kapaki-pakinabang na lupain! Upang ibuod, kumita ng pera, palawakin, at ulitin lamang ang proseso. Sa sandaling makumpleto mo ang isang layunin, bibigyan ka ng isa pang layunin upang gawin upang mas mapalawak pa ang iyong sakahan. Hindi ba ito isang kapana-panabik at mapanghamong gawain? Maraming mga layunin na maaari mong itakda para sa iyong sarili sa laro, kaya laruin ito ngayon at tapusin ang lahat ng mga gawaing itinakda para sa iyo!

Paano ito laruin?

Minsan ang mga tutorial ng mga laro ay medyo malabo, at maaaring mahirap para sa mga baguhan na magsimula sa kanilang unang pagsubok dito. Sa kabutihang palad, tutulungan ng Laro Reviews ang mga baguhan at ang mga nalilito kung paano laruin o kung ano ang pangunahing feature ng laro. Ang layunin ay simple lamang at ito ay ang kumita ng pera at palawakin ang sakahan. Iyon lang ang kailangan mong gawin at alalahanin dito, wala ng iba pa.

Huwag mag-alala tungkol sa mga kontrol dahil mabilis kang matututo dahil napakasimple nila! I-click lang ang isang field para piliin ito at pagkatapos ay mag-swipe para gawin ang aksyon. Maaari ka ring bumili ng mga hayop sa bukid at lupa, gayundin ng mga gusali para sa iyong sakahan at sa mga pangangailangan ng iyong komunidad. Kung mayroon ka nang mga item na kailangan mo upang makumpleto ang iyong misyon at kumita ng pera, maaari mong i-click ang billboard. Maaari mong gamitin ang pera na iyon upang bumili ng iba pang mga item upang mapalawak ang iyong sakahan at makabuo ng mas maraming pera—mas maraming mga customer at mas malawak na lugar ng lupa ang maaaring gawing mas produktibo at sagana ang iyong sakahan.

Maaari kang matuto nang higit pa tungkol sa mga feature ng laro habang nilalaro mo ito, ngunit ito ang mga bagay na kailangan mo munang malaman upang magkaroon ng ideya bago mo ito laruin. Hindi mo kailangang mag-alala dahil may tutulong sa iyo sa unang pasok mo sa laro, na magbibigay sa iyo ng tutorial.

Paano i-download ang laro?

Ang mga kinakailangan para matagumpay na ma-download ang Let’s Farm sa Android devices ay dapat Android 4.4 o mas mataas pang bersyon ang gamit. Para sa iOS users naman, makukuha ito gamit ang iPhone 6s o mas mataas na iOS sa 8.0. Maaari mo na itong subukang laruin ngayon!

Maaari ring i-click ang mga link sa ibaba upang mag-download:

Download Let’s Farm on Android https://play.google.com/store/apps/details?id=letsfarm.com.playday

Download Let’s Farm on iOS https://apps.apple.com/us/app/lets-farm/id911657164

Download Let’s Farm on PC https://www.gameloop.com/ph/game/casual/letsfarm.com.playday

Hakbang sa Paggawa ng Account sa Larong Let’s Farm

1. Hanapin ang anumang App Store na makikita sa inyong mga device.
2. Hanapin ang bersyon ng larong Let’s Farm pagkatapos ay i-download at i-install ito.
3. Buksan ang app at i-connect ito sa iyong Facebook.
4. Ang data ng laro ay maiingatan o masi-save kung ili-link mo ito sa isang account.
5. Maaari mo na ngayong umpisahan ang paglalaro ng Let’s Farm!

Tips at Tricks sa Paglalaro ng Let’s Farm

Sa artikulong ito, tutulungan ka ng Laro Reviews kung paano mapaghuhusay ang iyong farm at mabilis na mag-level up. Iha-highlight namin ang mga makakatulong na feature at kontrol na maaari mong gamitin upang makapagsimula sa sandaling simulan mo ang paglalaro nito. Gamitin ang mga diskarte na ito para makakuha ng higit pang karanasan at matutong bumuo ng iba pang mga diskarte.

1. Ipunin ang iyong pera. Ang pag-iipon ng pera para sa konstruksyon sa hinaharap ay makakatulong sa iyo na magkaroon ng mas magandang mapagkakakitaan. Maging matalino sa iyong pera at subukang tukuyin kung mas makikinabang ka rito.
2. Ang pagkumpleto ng mga layunin na nakalagay sa billboard ay isang mahusay na paraan upang makatipid ng pera. Dahil pinagmumulan ito ng pera kaya dapat mong tukuyin kung gagawa o hindi ng isa pa kapag natapos mo na ang isa.
3. Kung kinakailangan, palawakin ang iyong sakahan. Ang pagpapataas ng resources para sa mga produktong kumikita ng pera sa iyong sakahan ay makakatulong sa iyong kumita nang mas mabilis.
4. Subukang kumuha ng mga produkto sa labas ng iyong sakahan; sila ay karaniwang mura at kinakailangan.

1. Panghuli, magpahinga. Ang pagpapahinga ay maaaring makatulong sa iyo na mas matapos ang mga layunin sa laro. Mag-relax lamang habang itinuturo sa iyo kung ano ang mga dapat gawin sa laro.

Pros at Cons sa Paglalaro ng Let’s Farm

Ang laro ay hindi maikakailang nakakahumaling at nakaka-enganyo. Ang iyong buong mundo ay iikot sa pagsasaka. Hindi ba ito kahanga-hanga na ikaw ay isang mapalad na manlalaro na matutuklasan ang kalikasan at magkakaroon ng karunungan na makukuha mo mula rito sa pamamagitan ng iyong mobile phone? Nag-exaggerate kami ng konti pero siguradong may matututunan ka rito. Ang laro ay madali, ngunit habang nilalaro ito, maaari mong malaman kung paano mag-ipon at gumastos ng pera nang naaangkop. Dapat mong gastusin nang mabuti ang iyong pera kung gusto mong mabilis na maitayo at mapaunlad ang iyong sakahan.

Iyan ang layunin ng laro na dapat mong tandaan. Ito ay natural na nakakahumaling dahil sa madaling paglalaro nito, buhay na buhay na graphics, at lalo na ang madadaling gamitin na mga kontrol. Lahat, kasama ang mga feature, ay nakaayos nang maayos sa screen upang hindi ka malito tungkol sa mga ito. Sa madaling salita, matututuhan mo ang lahat dito nang mag-isa. Ang laro ay mayroon ding maikling tutorial na gagabay sa ilang manlalaro upang simulan ang kanilang kamangha-manghang pakikipagsapalaran sa bukid. Sa pangkalahatan, wala kang dapat ireklamo sa larong ito, lahat ay maganda pagdating sa mga feature, graphics, at mga kontrol.

Tingnan natin kung paano ito gumagana sa smartphone. Ayon sa aming pananaliksik sa larong ito, ang ilang mga manlalaro ay nag-uulat ng kabuuang pag-crash at pag-freeze ng screen. Sa totoo lang, nagkaroon kami ng parehong karanasan na naranasan nila, at pareho kaming nadismaya. Maliban dito, masyadong mabagal ang paglago ng farm. Kakailanganin ang mga diamante upang mapabilis ang proseso. Ito ay hindi angkop lalo na para sa mga manlalaro na kulang sa pasensya. Kung gusto mong mapabilis, maaari kang bumili ng diamond bundle mula sa in-app purchases nito.

Konklusyon

Ang laro ay isang kamangha-manghang simulator ng agrikultura na may ilang mga positibong pagsusuri. Mayroon itong napakahusay na konsepto at isang pangkalahatang kasiya-siyang laro. Bagama’t ang mga isyu tulad ng mahabang oras upang makabuo ng resources at mga item ay maaaring makapanghina ng loob para sa karamihan ng mga manlalaro na gustong umusad o mag-level up nang mabilis. Sa kabila nito, inirerekomenda ang laro para sa sinumang handang harapin ang mga isyung ito habang tinatangkilik pa rin ang laro.