MudRunner Review

Ang pagmamaneho sa isang patag na kalsada sa probinsya minsan ay nakakainip. Nasa kalsada ang iyong mga mata at makikita ang tila makikita ang tila walang katapusang palayan. Kailangan mong panatilihin ang iyong bilis upang maiwasang mabangga ang mga hayop. Ito ay magiging isang mahaba, tuwid, at nakakapagod na biyahe. Buti na lamang ay makapaglalaro ka ng mga off-road simulation game na tulad nito. Kung ikaw ay mahilig sa off-road o tagahanga ng mga mobile game tungkol sa mga kotse, ang larong ito ay maaaring panatilihin kang naaaliw dahil sa mga hamon sa mahabang panahon. Isuot ang iyong mga seatbelt at rubber shoes dahil dadalhin ka ng Saber Interactive sa isang mahirap na paglalakbay sa MudRunner gamit ang Laro Reviews na ito.

Dahil ito ay isang simulation game, binibigyan ka nito ng karanasan sa pagmamaneho ng off-road na sasakyan sa isang open world. Sa pamamagitan nito, maaari mong tuklasin ang mundo habang ginagawa mo ang iyong misyon. Sa unang tingin, maiisip mong ang layunin nito nito ay pumunta mula sa Point A hanggang Point B, ngunit ito ay higit pa sa pagmamaneho ng mga trak at mga off-road na sasakyan. Ang iyong pangunahing layunin sa larong ito ay maghatid ng mga log at kung minsan ay mga trailer, ngunit hindi ito magiging madali, dahil kailangan mong magmaneho sa maputik na landas, siguraduhing hindi mahuhulog ang iyong sasakyan sa lubak-lubak na lupain at huwag hayaang lumubog ang iyong mga gulong sa lusak ng putik.

Features ng MudRunner

Mula mismo sa laro, asahan na madumihan ang iyong mga gulong dahil madalas kang makakatagpo ng lusak ng putik. Ihanda ang iyong sarili para sa isang mahirap na paglalakbay dahil magtatagal ito upang malampasan ang mga hadlang, tulad ng mga lubak na daan.

Ang laro ay may anim na mga sandbox map na may mga simpleng layunin na dapat mong magawa. Kailangan mong maabot ang iyong patutunguhan gamit ang napili mong sasakyan nang hindi nahuhulog o natititigil sa lusak ng putik. Ang pagkumpleto ng misyon ay magbubukas ng mga bagong mapa at bagong sasakyan. Mayroon din itong siyam na challenge map, at kailangan mong maabot ang iyong layunin upang mag-unlock ng mga bagong yugto. Sa dami ng mga sandbox at challenge maps, maaari kang makatuklas ng hanggang labinlimang open worlds.

Sa labing-anim na pagkakaiba-iba, maaari kang pumili mula sa mga magaan na sasakyan na magagamit mo sa pag-scout sa daanan o ang eighteen-wheeler na mga trak upang maghatid ng malalaking kargamento.

Hindi mahirap kontrolin ang sasakyan. Maaari mo itong iliko pakaliwa o pakanan sa pamamagitan ng pagpindot ng D-pad sa screen. Kapag pinaandar mo na ang kotse, bitiwan ang parking brake, at handa ka nang umalis habang hawak mo ang accelerator button. Maaaring may mga karagdagang kontrol ang iba’t ibang sasakyan kaya ito lamang ang mga pangunahing kontrol sa pagmamaneho ng sasakyan.

Saan pwedeng i-download and laro?

• Download MudRunner on Android https://play.google.com/store/apps/details?id=com.focushome.MudRunnerAndroid
• Download MudRunner on iOS https://apps.apple.com/us/app/mudrunner-mobile/id1465720386
• Download MudRunner on PC https://store.steampowered.com/app/675010/MudRunner/

Tips at tricks sa Paglalaro 

Ito ay mobile na bersyon ng laro. Samakatuwid, mayroong ilang features sa bersyon ng PC na maaaring wala sa bersyong ito. Ngunit hindi nito inaalis ang masayang karanasang off-road sa laro. Maaaring hindi mo maimaneho ang lahat ng sasakyan at hindi ito katulad ngng high-end graphics na meron ang bersyon ng PC, ngunit maaari ka pa ring mahirapan sa parehong paraan na ginagawa ng iba. Kaya sa Laro Reviews na ito, matututunan mo ang mga diskarte na magagamit mo upang matulungan kang tapusin ang laro.

Halata mang tignan, ang pagmamaniobra sa anggulo ng camera ay maaaring magbigay sa iyo nanang higit pang point-of-view. Ang pagmamaneho sa totoong buhay ay may limitadong pananaw. Maaari mong makita ang harap ng iyong sasakyan mula sa iyong windshield. Maaari mong tingnan ang gilid ng iyong sasakyan mula sa mga bintana. Makikita mo kung ano ang nangyayari sa likod ng iyong rear-view mirror at ang mga blind spot sa side mirror. Ngunit sa larong ito, maaari mong i-swipe ang screen upang paikutin ang camera at magkaroon ng 360° view ng iyong sasakyan. Madaling makita ang mga blind spot, lalo na kapag iniikot ang iyong sasakyan sa isang makitid na lugar.

Magagamit din ang mga mapa para sa pagsusuri sa iyong patutunguhan. Maaari mong gamitin ang mga ito upang maghanap ng mas magandang ruta. I-click ang icon ng mapa mula sa kaliwang tuktok ng screen at mag-scroll upang galugarin ang mapa.

Related Posts:

Incredibox Review

Underworld Office Review

Pros at Cons ng MudRunner

Maaaring wala sa mobile na bersyon ng laro ang lahat ng feature ng PC version nito. Gayunpaman, hindi nito tinatanggal ang lahat ng saya at excitement ng orihinal na bersyon.

Ang mga visual ay maaaring hindi kamukha ng bersyon sasa PC, ngunit hindi na masama ang laro para sa isang mobile game. Maaaring ibinaba ng Saber Interactive ang graphics para sa mga trak at kapaligiran para maging available ito sa mobile. Halimbawa, ang mga controller sa screen ay medyo straightforward at may simpleng UI. Maaari mong paikutin ang iyong sasakyan gamit ang tap steering button, at kapag mas matagal mo itong pinindot, mas lalawak ang iyong pag-steer ng sasakyan. Hindi tulad sa iba pang mga platform na isasabak ka agad sa laro, at kailangan mong malaman kung paano ito laruin. Ang larong ito ay nagbibigay ng mas tiyak na mga direksyon sa kanilang mga tutorial. Ipinapaliwanag nila ang iyong layunin, itinatalaga ang minarkahang lugar, at sinasabi kung ano ang dapat mong gawin kapag narating mo na ang iyong patutunguhan. Dahil nasa mobile ito, maaari kang maglaro ng MudRunner kahit saan.

Wala masyadong kailangang baguhin sa laro. Ito ay isang mobile na bersyon kaya dapat mong malaman kung ano ang makukuha mo. Pero mas masaya kung magkakaroon ka ng perspective ng driver habang nagmamaneho.

Konklusyon

Sa paglalaro ko ng mobile games sa iba pang mga device, nadidismaya ako kapag hindi nito katulad ang nararanasan ko sa paglalaro sa paborito kong device. Ngunit ang ilang mga laro ay mas madali kahit na ang graphics ay hindi eksaktong mga kopya. Isa na nga rito itong MudRunner. Nasaiyo kung anong mga bersyon ng laro ang iyong lalaruin. Kung gusto mong magkaroon ng lahat ng features, maaari kang bumili ng bersyon sa PC. Kung hindi naman ay maaari kang bumili ng mobile na bersyon. Ito ay kung gusto mong labanan ang pagkabagot habang naghihintay sa pila, o gusto mo lang ng bagay na magpapasaya sa iyo ngunit walang PC. Ang larong ito ay angkop para sa mga taong gustong magpalipas ng oras.

Laro Reviews