Peppa Pig: Theme Park Review

Ang Peppa Pig: Theme Park ni Astley Baker Davies ay isang serye ng British nursery cartoon sa telebisyon. Si Peppa, isang mapanlikhang babaeng biik, ang pangunahing karakter ng programa, ang kanyang pamilya at mga kaklase ay pawang mga hayop. Noong Mayo 31, 2004, ipinalabas ang programa habang Marso 5, 2021 naman nagsimulang ipalabas ang ikapitong season. Mapapanood ang Peppa Pig sa mahigit 180 bansa sa buong mundo.

Nakasentro ang Peppa Pig sa titular na pangunahing tauhang babae at sa kanyang pamilya at mga kaibigan. Ang kwento ay nagaganap sa isang mundo kung saan ang lahat ng bida ay mga hayop. Ang bawat episode ay tumatagal ng humigit-kumulang limang minuto. Ang bawat isa sa kanyang mga kasama iba’t ibang uri ng hayop. Ang mga kaibigan ni Peppa ay kaedad niya, habang si George ay ang kayang nakababatang kapatid. Ang mga pang-araw-araw na operasyon gaya ng pagsali sa mga playgroup, paglangoy, pagbisita sa kanilang mga lolo at lola, kamag-anak, mga kaibigan, at pagbisita sa palaruan o pagsakay sa kanilang mga bisikleta ay madalas na itinatampok sa mga episode.

Ang mga tauhan ay nagbibihis, nakatira sa mga bahay, at nagmamaneho ng mga sasakyan, ngunit mayroon pa rin silang ilang katangian ng mga hayop kung saan sila nakabatay. Sa panahon ng mga dialogue kung saan nagsasalita ng Ingles si Peppa at ang kanyang pamilya, humihinga sila na parang mga baboy, at ang iba pang mga hayop ay gumagawa ng kanilang sariling mga tunog.

Ngayon, pwede mong samahan si Peppa at ang kanyang mga kaibigan sa paglalaro sa theme park dahil isa na silang nada-download na laro sa mobile. Ang Peppa Pig: Theme Park ay isang bagong laro na binuo ng Entertainment One.

Ang laro ay tungkol sa iyong pagsali kay Peppa at sa kanyang mga kaibigan upang maglaro sa theme park na may maraming games na lalaruin.

Layunin ng Laro

Sasamahan mo si Peppa sa paglalaro ng iba’t ibang arcade games sa theme park. Kabilang dito ang pagbaril, pagmamaneho, maputik na puddles at marami pang iba! Ang iyong layunin ay kumpletuhin at manalo sa mga larong iyon at magsaya sa lahat ng paraan!

Paano Laruin ang Game?

Ikaw, si Peppa at ang barkada ay maglalaro ng mga arcade game sa theme park. Ang mga laro ay hahayaan kang makakuha ng ilang mga token na maaari mong gastusin. Isa sa mga laro dito na pwede mong laruin ay ang Train Ride. Lahat ay gustong sumakay ng tren na iminamaneho ni Mommy Sheep. Dalhin mo ang mga pasahero sa susunod na istasyon at maaari mong hawakan ang mga pinto ng bawat tren upang ito ay bumukas at magsara. Mag-click sa berdeng button para paandarin ang tren at paikutin ang gulong para pabilisin at pabagalin ang pagtakbo nito.

Mahilig sina Peppa at George sa Water Fountain na may musika. I-tap ang mga button para gumawa ng musical tune at buhayin ang fountain. Pumili ng isang musika, tandaan ang tono at pagkakasunod-sunod at ulitin ang narinig mong musika. Habang sumusulong ka sa larong ito, ito ay magiging pahirap nang ahirap.

Bawat larong napanalunan mo ay makakakuha ka ng token na magagamit mo sa iba pang mga laro sa theme park.

Tulungan si Peppa sa paggamit ng water cannon para barilin ang mga gumagalaw na bagay at i-pop ang mga lobo!

Peppa Pig: Paano mag-download?

Ang laro ay pwedeng mai-download sa parehong mga Android at iOS device. Maaari mo itong hanapin gamit ang search button sa bawat tindahan o i-click lamang ang mga link sa ibaba.

• Download Peppa Pig: Theme Park on Android https://play.google.com/store/apps/details?id=com.peppapig.themepark
• Download Peppa Pig: Theme Park on iOS https://apps.apple.com/us/app/peppa-pig-fun-fair/id1060102144

Paano Gumawa ng Bagong Account sa Laro?

Agn Peppaa Pig: Ang Theme Park ay isang bayad na laro at kailangan mong mag sign up o mag log in para magsimula ng paglalaro.

Para sa mga gumagamit ng Android, maaari nilang gamitin ang kanilang Google Play Store account para sa pag-log in. Habang ang mga gumagamit ng iOS, maaari nilang gamitin ang kanilang Apple ID account.

Dahil ito ay isang bayad na laro, hihilingin ng Play Store ang iyong bank account o anumang paraan ng pagbabayad na maaaring gamitin upang bilhin ang laro at para sa anumang mga in-app na pagbili na iyong gagawin.

 Tips at Tricks Kapag Naglalaro ng Peppa Pig

Ibabahagi ang Laro Reviews ng tips at tricks sa ilang laro sa theme park para sa mga baguhan.

Mahilig sina Peppa at George ng mga kendi dahil pareho silang mahilig sa matamis. Gastusin ang iyong kinitang token para tulungan silang gawing mukha ang kendi na gusto nilang kainin. Pagkatapos ay maaari kang pumili ng isa sa mga laro na iaalok sa iyo ni Daddy Pig. Maaari mong piliin ang laro kung saan gusto ni Daddy Pig ng bagong candy floss. Kaya, ilipat ang iyong daliri sa paligid ng mangkok at huwag haluin nang labis dahil ito ay lalaki. Kapag tapos na ito, tulungan ang pamilya na kainin ang candy floss sa pamamagitan ng paghawak o pag-tap sa kendi. Mahilig ang pamilya sa candy floss na may iba’t ibang kulay. Sa kasong iyon, ulitin lamang ang buong proseso at piliin ang kanilang ninanais na mga kulay.

Dapat mo ring tulungan ang kaibigan ni Peppa na i-steer ang kotse sa bumper car game sa pamamagitan ng pag-swipe ng iyong daliri sa direksyon na gusto mong ilipat ng kotse. Ang susunod ay ang hot air balloon. I-tap ang mga lobo na lumulutang sa hangin para kolektahin ang mga ito. Dapat mong tiyakin na ang basket ay nakadikit sa mga lobo upang maaari mong kunin ang mga ito.

Kung pipiliin mong laruin ang spinning cup, siguruhing hindi ka mahihilo dito. Pindutin ang gulong upang gawing mas mabilis o mabagal ang pag-ikot ng mga tasa. Maaari mo ring i-tap ang asul na button para pabilisin ito at ang pulang button para ihinto ito o para mas mabagal ang pag-ikot nito.

Related Posts:

Field Runners HD

Farm Frenzy Premium: Time Management Game

Kung hihilingin sa iyo ni George na tulungan siyang maglaro ng remote controlled na kotse, mag-ingat lang sa mga panganib.

Mga Kalamangan at Kahinaan ng Laro

Ang karanasang ito na hango sa theme park ay makakaakit sa mga tagahanga ng programa dahil inaanyayahan sila nitong lumahok sa iba’t ibang kapana-panabik na aktibidad at laro kasama ang paboritong maliit na piggy ng lahat.

Ayon sa pagsusuri ng Laro Reviews, kapana-panabik ang laro dahil iniimbitahan nito hindi lamang ang mga bata kundi ang buong pamilya na maglaro ng walong larong puno ng kasiyahan na kung saan ay ang pagsakay sa tren, ang hot air balloon, ang candy floss maker, ang water cannon, ang karera sa kalye, ang bumper car, ang pag-ikot ng teacup ride at ang musical water fountain.

Ang laro ay mayroon ding sticker at coin reward na magagamit mo upang i-unlock ang mga laro. Ang mga laro ng candy floss ay nakakahumaling at nakakasiya dahil maaari mong baguhin ang mga kulay ayon sa gusto mo. Nawili ang ilang manlalaro sa larong ito at nagbigay ng limang star rating na pagsusuri sa mga Play Store.

Bagaman ang laro ay maraming mga problema tulad ng mahirap makakuha ng mga token at may mga pagkakataon na kapag binuksan mo ito, lahat ng iyong kinita na mga token ay nawawala. Ang laro ay bumabagal hanggang sa punto na kung saan naririnig mo pa rin ang soundtrack ng laro kahit na isinara mo na ang app. Ang laro ay limitado sa walong nakakatuwang arcade lamang. Pinakamainam kung magdagdag sila ng mga laro gaya ng sports day games o iba pang mga arcade game.

Pinalawak ng laro ang kasiyahan at saya na nararamdaman ng manlalaro kapag nanonood ng serye sa pamamagitan ng paglalaro nito. Kahit na ang larong ito ay may mga kapintasan, ikaw ay magtataka at interesado pa rin na subukan ang laro. Ito ay ganap na ligtas para sa lahat ng mga bata at pang-edukasyon sa ilang mga punto.

Laro Reviews