Pirates Outlaws Review

Pirates Outlaws – Ito ay isang laro na binuo ng Fabled Game Studio. Ipagkakatiwala sa iyo ang paglalakbay upang magtagumpay sa isang pirate-inspired na laro. Tumalon sa pagitan ng iba’t ibang istilo ng kapaligiran habang kumukuha ng kayamanan at bumubuo ng reputasyon.

Features ng Pirates Outlaws

Ang mga larawan sa loob ng Pirates Outlaws ay nag-iiwan ng hindi malilimutang epekto. Simpleng patchworks na may kulay sa isang block cartoony graphics ngunit nakakapagtaka na ang mga galaw ng labanan ng mga karakter ay medyo maindayog. Ang mga karakter, maging sila’y nasa command o nasa kabilang panig, ay may kakaibang hitsura, mula sa mga damit, sukat, at kakayahan sa pakikipaglaban.

Mayroong 10 lokasyon na nakakalat sa tatlong magkakaibang karagatan na iyong sasakupin kung saan titipunin mo ang isang malakas na hukbo. Naglalaman din ito ng higit sa 150 artifacts, 17 na kahanga-hangang kayamanan, at collectible cards hanggang 600.

Dito sa Pirates Outlaws, mayroong tatlong natatanging gaming mode. Una, ang Navigate, kung saan papayagan kang kontrolin ang iyong paglalakbay sa iba’t ibang tanawin upang hanapin at labanan ang mga pirata at mga mandarambong na hahadlang sa iyo. Ang iba pang mode ay ang Arena at Tavern Brawl, na maaaring piliin ng mga manlalaro na gusto pa ng higit na hamon.

Sa buong paglalakbay, ang mga paggalugad, mga yugto, mga hadlang, at mga pangyayari ay unti-unting lumalabas. Nagbibigay ito ng estado ng pagre-relax, na talagang kinakailangan para sa isang mobile gaming app upang mapanatiling kapanapanabik at maaksyon ang kompetisyon. Hindi lamang ito tungkol sa pag-iipon ng napakaraming kayamanan, ang pagtamasa sa karangyaan ay isa ring makabuluhang tagumpay para sa isang pinuno ng pirata. Gayunpaman, patuloy na mag-ingat dahil sa isang maling hakbang ay mapipilitan kang simulan muli ang pananakop ng isla.

Ang Gameplay ng Pirates Outlaws

Ang Pirates Outlaws ay isang card game kung saan ginagampanan mo ang karakter ng isang pirata. Ang iyong pangunahing layunin ay tipunin ang hanay ng mga baraha. Masusing pag-aralan ang iba’t ibang mga karakter at piliin kung alin man ang gusto mo. Ang bawat karakter ay may sariling hanay ng mga card. I-explore ang tatlong karagatan at harapin ang mga kakaibang kalaban. Sa kabuuan ng iyong ruta sa laro, makakatagpo ka ng higit sa 50 na mga outlaw, 20 sa kanila ang magiging pinakamabangis na pinuno ng laro. Dagdagan ang bilang ng mga card sa iyong kamay at gamitin ang mga ito sa mga kalaban na may mga espesyal na kakayahan.

Pirate Outlaws Downloads

Ang Pirates Outlaws ay isang laro na nangangailangan ng diskarte na may kumbinasyon ng role-playing action. Tuklasin ang nakakaakit na kwento nito, na parehong kaaya-aya at kapanapanabik. Gusto mo bang gumawa ng isang paglalakbay upang maghanap ng kayamanan at mga makasaysayang artifacts, pati na rin ang paggalugad sa tubig na may iba’t ibang mga hamon? Sa murang halaga, maaari mo ng i-download ang Pirates Outlaws ngayon gamit ang mga link na inihanda ng Laro Reviews sa ibaba para lang sa ‘yo.

• Download Pirates Outlaws Game on Android https://play.google.com/store/apps/details?id=com.piratesoutlaws.fabledgame&hl=en&gl=US
• Download Pirates Outlaws Game on iOS https://apps.apple.com/us/app/pirates-outlaws/id1442776789
• Download Pirates Outlaws Game on PC https://pcmac.download/app/1442776789/pirates-outlaws

Tips sa Pagtatagumpay!

Naghanda ang Laro Reviews ng ilang tips para matulungan kang magtagumpay sa laro. Bago tumahak sa tamang landas, kailangan mong mag-navigate muna at hanapin ang boss. Kasunod nito, makikita mo ang kabuuang bilang ng mga labanan na kakailanganin mong ipanalo. Dapat mong malaman na ang mga pagkakalagay ng mga kaganapan sa mapa ay maaaring magkaroon ng iba’t ibang epekto at implikasyon habang ikaw ay nagpapatuloy sa laro. Maaari kang mangolekta ng mahahalagang relic o ma-trap sa mga obstacle course.

Ang mga sumpa ay may malaking impluwensya na nakapipinsala sa katayuan ng isang tao. Tanggalin ang mga ito kaagad. Dapat mong aksyunan ang mga sumpa upang maiwasan ang pangmatagalang implikasyon tulad ng pagkatalo sa isang mas mahinang kalaban.

Ang pagkakaroon ng tamang kombinasyon ng ammunition cards ay makakatulong sa iyo upang maging mas malakas sa pakikipaglaban. Kung pipili ka ng mas maraming cards na nangangailangan ng ammo, malaki ang tsansa ng maubusan ka ng ammo habang nakikipaglaban. 

Lalong lumalakas ang ilang mga kalaban habang nagpapatuloy ang tunggalian. Wasakin agad ang mga ito. Mas mainam na alisin kaagad ang iyong kalaban gamit ang ilang magandang tama ng iyong armas.

Planuhin ang iyong ruta para makarating sa Tavern sa takdang oras upang makakuha muli ng HP at AP. Maaari kang magpapalit ng mga artifact upang mabawi ang iyong lakas, alisin ang isang card sa iyong kamay, o marahil ay ayusin ang iyong barko at mabawi ang AP sa Tavern.

Related Posts:

GTA: Chinatown Wars Review

Muse Dash Review

Mag-eksperimento ng iba’t ibang combo ng mga card at artifact. Maraming malalakas na card at artifact ang maaaring makuha sa pamamagitan lamang ng pakikilahok sa mga events. Ang mas malalakas na relics ay nakatago sa gitna ng labanan at sa gayon ay naa-access ng mga kalahok sa mahihirap na kaganapan.

Ang Pros ang Pirates Outlaws

Ang Pirates Outlaws ay isa talagang kasiya-siyang laro ng card na may mga simpleng tuntunin at makatwirang mga kinakailangan para sa mga baguhan. Ang isang ito ay lubos na nakakaengganyo, nakakahumaling, at mahusay na naisakatuparan. Ang pagkakaiba-iba ng mga karakter, ang graphics design, ang katatagan ng gameplay, at ang mga natatanging layunin at palaisipan ay nagbigay sa laro ng mataas na rating. Ito ay isang tunay na kayamanan sa Google Play Store. Mayroong talagang mga bagay na makukuha dito sa murang halaga lamang, at lahat ng ito ay maa-access nang sunud-sunod habang ikaw ay naglalaro.

Ang Cons sa Pirates Outlaws

Ang isa sa mga nakakadismaya sa laro ay ang malaking pagdepende nito sa swerte. Ang laro ay tila mas ginawang mahirap upang maisulong ang mga micropayment. Sa pamamagitan ng hindi pagbili ng labis na mahal na mga enhancements, ito ay nagiging imposible.

Maliban doon, ang laro ay hindi nakakatanggal ng stress, sa halip ito ay isa sa mga nagdudulot ng tensyon. Ang mga character ay maaari lang magsagawa ng mga kumbinasyon kung mayroon silang perpektong deck build. Panghuli, medyo nakakadismaya para sa mga manlalaro na pagkatapos nilang mamuhunan, malalaman nila na kahit na karamihan sa mga items ay na-unlock na, ang laro ay lubos na umaasa parin sa pagkakataon kaysa sa mga kasanayan.

Konklusyon

Ang Pirate Outlaws ay sulit na sulit pagdating sa oras na puhunan. Nag-aalok ito ng nakakaengganyong plot, napakaraming kaganapan, at nakakahumaling na gameplay factor na pinalakas ng konsepto ng pagkolekta ng card. Bagama’t ang laro ay nasa open beta, halos sapat na ito para maging kumpleto. Kaunting ayos na lang,  tiyak na hindi ito magpapahuli. Kung gusto mo ng piracy at mga madiskarteng laro gamit ang mga card, dapat mong subukan ang Pirates Outlaws.

Laro Reviews